涼茶品種多不勝數。有廿四味涼茶、葫蘆茶、金銀菊五花茶、苦瓜乾涼茶等；就連龜苓膏湯、生魚葛菜湯、紅蘿蔔竹蔗水等，都成為香港人鍾意嘅傳統老牌涼茶。香港人個個都好熟悉一句民間流傳嘅諺語：「飲一杯涼茶，唔使搵醫家。」而家，一啲涼茶品牌已經打入國際市場，遠銷全球近二十個國家，成為中華飲食文化走向世界嘅一張名片。