道教，係中國土生土長嘅宗教。道教科儀音樂，就係道教儀式當中不可或缺嘅聲音表達。19世紀末至20世紀初，廣東正一派道士南下澳門，帶嚟咗道教科儀同音樂。與此同時，全真派音樂亦逐漸傳入。兩大派系喺度交融，再同本地民間音樂結合，形成咗兼容並蓄、風格獨特嘅澳門道教科儀音樂。

　　喺澳門仲係漁港嘅年代，道教音樂同生活緊密相連。每逢新船下水、婚嫁喜事、祭祀酬神，漁民都會邀請道士上船設壇作法。20世紀後因為澳門經濟轉型、漁業萎縮，道場法事唔再興旺。喺多方力量嘅推動之下，澳門道教科儀音樂透過文本展演、道樂培訓等方式得到有效推廣，共計留存五百幾首曲譜，呢項非遺薪火不斷延續。