「南音說唱」係一種用粵語唱嘅古老曲藝，流傳喺珠江三角洲，傳到香港之後，都好受大家歡迎。演唱者右手彈箏、左手打板，用簡單嘅樂器做伴奏，曲目內容以敘事為主，多數係民間傳奇、才子佳人、歷史故事，仲有演唱者嘅個人遭遇等等，題材非常之廣泛。2017年，南音被列入香港非物質文化遺產代表作名錄。